Descripción
“A Botica das Abellas” é unha nova línea de produtos, froito dunha colaboración entre Erica Mel, o museo O Enredo do Abelleiro e Abella Meiga, a empresa apícola de produción ecolóxica de Jara e Marcos Varela. A unión destas entidades de renome no sector apícola galego, dou como resultado estes exquisitos produtos de alta gama, elaborados de forma artesanal cunha selección dos mellores meles de Galicia.
O mel e xelea, pole e própole “A Botica das Abellas” provén dunha esmerada e coidada elaboración artesanal por parte do Enredo do Abelleiro, utilizando materias primas seleccionadas por Erica Mel. Trátase dun mel cremoso, elaborado a través dun proceso controlado de cristalización do mel, ó que se lle engade un 2% de xelea real, 2% de pole e 2% de própole. A xelea real é un superalimento, dos máis completos da natureza, elaborado polas abellas no interior da colmea como alimento para as larvas e a raíña. O pole recólleno as abellas directamente das flores, como fonte de proteína vexetal para a súa alimentación. E o própole e un auténtico antibiótico natural, que preparan as abellas a partir de sustancias da natureza, como as resinas dalgunhas plantas. O resultado desta combinación de mel, xelea, pole e própole é un mel cremoso de sabor intenso e textura densa e suave, cun alto valor nutritivo e terapéutico. Aconséllase tomar en pequenas cantidades.
Os meles crema “A Botica das Abellas” ofrécense en envase de 250 g e son produtos de cantidade limitada, que só se elaboran durante unha época do ano polo que están dispoñibles ata fin de existencias.
