Día Mundial da Abella. 20 de maio – Santiago de Compostela

Erica Mel celebrará o vindeiro 20 de maio o Día Mundial da Abella, colaborando nunha actividade do colectivo Máisquemel, que terá lugar o venres 20 de maio na Biblioteca Pública Anxel Casal de Santiago de Compostela.

O acto consistirá na presentación da publicación “Os Bolechas – Máis que Mel”, un libro infantil con formato de guía didáctica que acaba de ser editado por Máisquemel xunto con Bolanda Edicións, e a realización dunha actividade para un grupo de nenos e nenas do CEIP López Ferreiro.

Estarán presentes o autor e creador dos Bolechas, Pepe Carreiro, e tres das pequenas protagonistas desta historia: Ulla, Iria e Roi, que participan neste conto amosándolle ós Bolechas o interesante mundo das abellas.

Ademais, dende o 19 ó 27 de maio, instalarase a exposición “O mundo das abellas” na biblioteca, xunto cunha mostra bibliográfica sobre abellas, tanto para público adulto como infantil.

Máis información:

Tel. 981 589 534 / www.maisquemel.gal / info@maisquemel.gal